Síguenos

KULTURA

Goitibeherak eta bertsolariak Galdakaon

Publicado

el

Xabi Ealo

Galdakaoko jaietan falta ezin den zerbait badago, hori goitibehera lasterketa da eta atzo izan zen aurtengoa. Pasa den mendeko 70. hamarkadaz geroztik ez dute hutsik egin goitibeherek Galdakaon, ibilbidea aldatu arren. Duela bi urte berreskuratu zen Elexalden hasi eta udaletxe aurrean bukatzen den ibilbidea, guztira kilometro batekoa eta bihurgune nahikorekin. Jende piloa bildu zen errepidearen ertzeetan ikuskizunaz gozatzeko.

Aurreko irudietan 70. hamarkadan herrian egindako goitibeheren lasterketan momenturik onenak jasotzen dira. Segurtasun neurriak gutxi ziren garai hartan, atzo, berriz, ibilbide guztia bolondresez zainduta egon  zen, horietaz gain, udaltxaingoa eta larrialdi zerbitzuak nabariak izan ziren.

Ume zein heldu, guztira 47 ibilgailuk hartu zuten parte atzoko lasterketan sei kategoriatan banatuta (arinak, drift trike, errodamenduak, Galdakao, neumatika, sputnik). Tentsio momentuek ezin zuten hutsik egin goitibeheren lasterketan, ondorengo irudietan ikusten den moduan ibilgailu batek lastoaren aurka talka jo eta irauli egin zen, zorionez ibilgailuan zeuden bi mutikoek ez zuten minik hartu.

Sare sozialetan jazo zuten istripuaren momentua lasterketa ikusten ari zirenek.

Kategoria desberdinetako hiru denborarik onenak sarituak izan ziren, arinen artean, Francisco Martínez kantabriarra izan zen garailea 50 segundo pasatxorekin. Horren atzetik Julen González eta Oier Aizpuru euskaldunak izan ziren 53 eta 54 segundorekin hurrenez hurren.

Julen González. Argazkia: Xabi Ealo

Drift trike kategorian, hiru euskaldun igo ziren podiumera baina azkarrena Eneko Agirre izan zen 01:01.532 denborarekin, bigarrenak, Unai Poncek, ehunen batzuk gehiago behar izan zituen eta amaitzeko Unai Biainek ia bi minutu behar izan zituen.

Errodamenduak kategorian Oier Mendizabalek eta Mikel Menoitiok eraman zuten garaipena, Iker Etxebarria eta Antonio Murilloren aurretik.

Galdakoztarrak ere parte hartu zuten lasterketan eta azkarrena Ander Ginea izan zen. Gineak minutu bat eta hamabost segundo behar izan zituen ibilbidea egiteko Gorka Madinak eta Lander Peredak baino zortzi segundo gutxiago. Erlantz González eta Jon Ander López hirugarren postua eskuratu zuten minutu bat eta berrogei segundo pasatxorekin.

Neumatika kategorian Arkaitz eta Xabier Alfonso izan ziren garaileak ia 49 segundorekin, horien atzetik, Samuel Torrico eta Aritz Larrinaga eta amaitzeko Ioritz eta Gotzon Aranguren.

Eta amaitzeko sputnik kategorian Endika Pérezek irabazi zuen lasterketa eta 91 ehunen gehiagorekin Jon Bilbao izan zen bigarrena. Amanuel Goñik minutu bat eta hogei segundo behar izan zituen hirugarren postua lortzeko.

Argazkiak: Xabi Ealo.

Lasterketa arratsaldeko lauretan hasi eta hiru orduz luzatu zen, Kurtzeko Plazan bertso jaialdia hasi zen arte. Aipatutako plaza jendez bete zen Nerea Ibarzabal, Oihana Iguaran, Unai Iturriaga eta Aitor Sarriegi entzuteko eta haiek botatako bertsoez gozatzeko.

Arkaitz Estibailesek hainbat gai proposatu zien berts  olariei, tartean, Hondarribiko alardearena, Francoren aferarena… Binaka, bakarka… bertsolariek publiko galdakoztarra gozarazi zuten.

 

 

Argazkiak: Xabi Ealo.

Ondorengo irudietan Ibarzabalek eta Iguaranek botatako bertsoa ikusgai:

Gaia: Nerea ama eta Oihana alaba. Aurten ere, uda honetan, alabak zera galdetu dizu: ama, gu zergatik ez gara oporretan joaten?

BILBAO

Mateoren ama: nortasun paradoxa. ZINEBI 61

Publicado

el

Loreak eta Handia zuzendu ondoren, La Trinchera Infinita filmarekin gailendu ziren Arregi, Goenaga eta Garaño hirukotea azkenengo Zinemaldian, sekzio ofizialeko hainbat sari lortuz. Baina gutxik dakite festibal berdiñeko «Zinemira Kimuak» sailean hirukoteko Arregi eta Goenagak beste laburmetrai bat estreinatu zutela, Mateoren Ama, 61. ZINEBI-n ikusteko aukera izan duguna.

Angel Mari-ren larruan jartzen gaitu laburmetraiak, bere ama zahar-egoitza batean sartuta daukan gizon baten gorputzean. Egun batean  indarrak hartu eta amaren zahar-etxera bisitan joatea erabakiko duena.

Mateoren Ama.

Sinopsi aldetik laburmetrai ohiko baten antza dauka filmak, baina minutuak aurrera doazen einean eta Lanthimos film estilo bat hartuz nortasun paradoxa bat sortuko da; Angel Mari-ren amak ez ditu semeak esaten dizkion oroitzapenak gogoratuko, baina zahar etxeko beste emakume batek gogoratzen ditu.

Aitor Arregi zuzendariak 61. ZINEBI-n emandako prentsaurrekoko argazkia.

Paradoxa planteatzen den momentutik misterio eta suspentse giro bat sortuko da, zuzendariek inoiz landu ez duten film estilo arraro bat planteatuz. Ikusleak ez daki nor dabilen gezurretan, nor den benetako ama edo seme bada zoratuta dagoena.

Yorgos Lanthimos zuzendari greziarraren «The Killing of a Sacred Deer» filmaren antz handia dauka laburmetraiak, bai planteamendu aldetik eta bai ikusizko lenguaia zinematografikotik ere.

The Killing of a Sacred Deer.

Aipatzekoa da zuzendarien opera prima dela kanpo istorio bat pantaila handira eramateko orduan, zeren eta Mateoren Ama izeneko laburmetraia Ibai Zaldua-ren Ama izeneko ipunetik dator.

Sigue Leyendo

BILBAO

Anti: «Euskara erailtzen saiatu dira, eta hauek dira autopsiarako probak». ZINEBI 61

Publicado

el

Hauek izan dira Josu Martínez-ek, Anti filmeko zuzendariak, medioen aurrean emandako prentsaurrekoan utzitako hitzak. Hitz hauek laburtzen dute Anti laburmetraiak esan nahi duen guztia.

Josu Martínez beste euskal zuzendariekin prentsaurrekoan.

Iraganeko Ipar Euskal Herrian kokatzen gaitu Anti-k, 1921urtean hain zuzen ere, Bizkarsoro herrian. Bizkarsoro-n euskararen erabilera da nagusi, ume eta nagusiek ez daukate frantses ideiarik, eta euskaraz mintzo dira famili eta lagun artea.

Lasaitasuna Parisetik datorren irakasle berriarekin bukatuko da, herrixkako umeak eskolan frantsesez hitz egitera behartuko dituena. Hizkuntza araua hausten duenak «anti» izeneko lepokoa jasoko du, umeen artean pasatzen joango dena egunean zehar, klaseak bukatzean anti-a daukan ikasleak zigor bat jasoz.

Anti-a.

Bitxia da haurren aurrean zelako erraza den kontzeptu bat kaltegarri bihurtzea, betidanik ezagututako ama hizkuntza egun batetik bestera arerio bezala ikustea.

Gogorra da sorgin ehiza hau benetan gertatu zela soilik planteatzea, nola gaur egungo euskararen egoera ahula horrelako egitateetatik datorrela konturatzea, bere kabuz oraindela milaka urte loratutako hizkuntza kanpo indarrek zimeldu nahi izan dutela ohartzea.

Filmaren eszena batean eskolako beste umeak euskaraz mintzatu den gaztetxotik ihes egiten ikus ditzazkegu, gaixotutako animalitxo bat izango balitz bezala, bakarrik hutsiz.

Kanpo indarrek sortutako indar eta arau berriek ahuldutako subjektua bera bezalakoen artean gorrotatua izatea lortzen duten momentuan sortuko da benetako gatazka, eta hau filmean islatuta ikus dezakegu gaztearen amak frantsesez mintzatzeko esaten dion momentuan.

Trailerra.

Oso errekomendagarria da Martínezek zuzendutako azken laburmetraia, iraganean gertatutako kasu ugarietako bat orainaldira ekarriz eta honi ahotsa emanez.

Anti, Bilboko dokumental eta film laburren 61. Nazioarteko Jaialdian proiektatuko da Sekzio Ofizialaren barruan bihar, inaugurazio galan.

Sigue Leyendo

BILBAO

Zazpi euskal film labur lehiatuko dira Bilboko dokumental eta film laburren 61. Nazioarteko Jaialdian

Publicado

el

Lau dokumental eta fikziozko hiru euskal film labur lehiatuko dira Bilboko dokumental eta film laburren 61. Nazioarteko Jaialdian; Xulia, Mateoren ama, Artiko, Medvedek, Regina eta Solo son peces deitutako kortoak Sekzio Ofizialean parte hartuko dute.

Hainbat sari ezberdin irabazteko aukera izango dute zazpiek; Bilboko Jaialdiko Sari Nagusia (7.000 euro), Euskal Zinearen Sari Nagusia (6.000 euro), Zine Espainiarraren Sari Nagusia (6.000 euro), Mikeldia Sariak (5.000 euro), Ikus-entzuleak-EiTB Saria (3.000 euro) eta Euskal Gidoi Onenaren SGAE– Euskadi Kontseilua Saria (3.000 euro).

61. edizioaren inaugurazioan proiektatuko dira zazpi laburrak, guztiek batera 114 minutuko iraupena izanik.

Sigue Leyendo

BERRI + NOTICIAS

BERRIAK|NOTICIAS_

Campeonato de España Absoluto de Invierno

Facebook Twitter WhatsApp Email Naia Rodríguez y Mikel Ponce, son los dos representantes de Galdakao Igeriketa Taldea en el LXIII...

BERRIAK|NOTICIAS_

Movilidad Urbana integral: sostenible, inclusiva y con perspectiva de género

Facebook Twitter WhatsApp Email Con el objetivo de mejorar la movilidad de las y los galdakoztarras, el ayuntamiento está trabajando...

BERRIAK|NOTICIAS_

Resultados de los presupuestos participativos

Facebook Twitter WhatsApp Email Las y los galdakoztarras ya han decidido en qué invertir un millón de euros de los...

BERRIAK|NOTICIAS_

Duatloi Txikian ateratako dirua Dya-ri eman diote

Facebook Twitter WhatsApp Email Galdakao, 2019ko azaroaren 6a.- Mozoilo Triatloi Taldeak antolatuta urrian Galdakaon egin zen Duatloi Txiki lasterketan ateratako...

BERRIAK|NOTICIAS_

El Ayuntamiento aplicará una bonificación del 50% a los vehículos híbridos

Facebook Twitter WhatsApp Email Han sido diversos los temas tratados en el pleno de octubre: se ha declarado concejal no...

BERRIAK|NOTICIAS_

Kataluniarekiko elkartasuna konpromisoa EH Bilduk, EAJk, Usansolo Herriak eta Podemosek

Facebook Twitter WhatsApp Email Kataluniako buruzagien aurka Espainiako Auzitegi Gorenak kaleratutako zigor epaia “bidegabekeria itzela” dela sinetsita, “desadostasun osoa” adierazi...

BERRIAK|NOTICIAS_

Torrezabal liburutegia asteburu eta jaiegunetan ere zabalduko da

Facebook Twitter WhatsApp Email Galdakoztarrek izango dute non ikasi asteburu eta jaiegunetan ere. Urtetan ikasleek egindako eskaera aintzat hartu, eta...

BERRIAK|NOTICIAS_

Gandasegi eskolako ikasleak, udaletxean

Facebook Twitter WhatsApp Email Gandasegi eskolako 3. mailako ikasleak udaletxean izan dira gaur, herriko instituzioaren funtzionamendua bertatik bertara ezagutzen. Hala,...

ASTEKO IRAKURRIENAK

Open

PLAY

Send this to a friend