Momoak Talde Feministak deialdia egin zuen pasa dan igandean gertatu zan eraso sexista salatzeko. Gaur, ostirala, hainbat pertsona batu dira Santi Brouard enparantzan.

Hego Uribeko 1.500 bat pentsionista batu dira gaur Galdakaon ospatu dan manifestazioan

Hona irudiak.

Greba feministak erabateko arrakasta izan zuen atzo, martxoak 8. Goizean herrian eta Usansolon egin zuten manifestazioa ehundaka emakumek, arratsaldean, aldiz, denak batera Bilboko manifestazio jendetsura abiatu ziren.

Goizean Galdakaoko herrietan barrena egin zuten manifestazioa emakumeek, behin Udaletxeko plazan, “zaintzaren berrantolaketa soziala”; “pentsio sistema publiko duina”; “kontsumo arduratsua” edota “heteropatriarkatu kapitalistari planto” bezalako aldarriak egin zituzten.

Manifestazioaren ostean emakume denak batera, elkarrekin jan zuten Udaletxeko plazan, horren ostean, Bilbon zeukaten hitzordua.

Arratsaldeko zazpietan hasi eta bi ordu luzez Bilboko kale nagusian barrena, 65.000 lagun, lehen aurreikuspenen arabera, manifestatu ziren sistema hetero-patriarkalaren aurka.

Jesusen Bihotzetik Bilboko udaletxeraino, feminismoaren aldarriak nonahi entzun eta irakur zitezkeen.

Behin udaletxean abesbatza batek kanta feministak eskaini zituen eta horien ostean zenbait ekimenetako bozeramaileak manifestu bat irakurri zuten. Ekitaldiarekin amaitzeko, Ane Guriak eta beste musikari batzuek ikuskizuna eskaini zuten.

Usansolo ere morez