120 pertsona inguruk parte hartu dabe joan dan astelehenean, Torrezabalen, antolatutako Berbodromoaren bosgarren edizinoan, Galdakaoko Berbalagun proiektuak bultzaturik eta Euskaraldia ekimenaren inguruko jardueren barruan.

AEK, Udal Euskaltegia, Elexalde, Beogetxe eta Eguzkibegi Ikastolako ikasleek, Berbalalgunen ikasleekin batera, “World coffee” estiloko topaketa honetan parte hartu dabe. Beste urte batez, ikastegi horreetako irakasleek dinamizatu dabe, Galdakaoko udalaren Hezkuntza eta Euskara zerbitzuko langileak, Berbalagun eta herriko alkarteen laguntzaz (Erabide, Zizpa eta Patakon).

Ondoko gaiak landu dira: “realitu showak” eta “plastikoaren kontsumoa”.

Berbodromoa mundu osoan “World coffee” izenaz ezagutzen dan formatoaren herriko bertsinoa da. Parte-hartzaileek seiko mahaietan batzen dira, aurkezleak azaltzen deutsien gaiari buruz 15 minututan berba egiteko.

Talde bakotxean pertsona batek egiten dau moderatzaile lana, mahaiko kide guztiek parte hartu dagien. Ordu lauren hori amaitzen danean, solaskidek txandakatzen dira, hurrengo gaia beste bost pertsona desbardinakaz eztadaitu dagien. Berbodromoaren helburua da herriko jentea ezagutzea, eurekaz euskaraz erlazionatu ahal izateko.

Edizino barri honen ezaugarri nagusia giro ona izan da, txokolate bero eta pastelakaz alkarriketak goxatuta. Halan, urtez urte finkatuz doa abenduaren 3aren inguruan antolatzen dan ekimen hau.

Siguiendo la tradición centenaria de la festividad de la patrona de la fábrica de Galdakao, Santa Bárbara, la empresa Maxam lanzará hoy (14:00 horas) las tradicionales salvas en su honor que retumbarán en toda la comarca.

Esta fábrica, conocida popularmente como “La Dinamita”, está unida a la propia historia de Galdakao, formando parte de sus señas de identidad desde que en 1872 Alfred Novel fundase la “Sociedad Española de la Pólvora Dinamita. Privilegios A. Nobel”, con sede en este municipio. En 1896 la compañía de Nobel se fusiona con otras ocho sociedades creando la Unión Española de Explosivos S.A. (UEE).

En 2006 la UEE pasa a denominarse Maxam y hoy los productos de esta empresa llegan a más de 100 países en los cinco continentes.

Galdakaoko udalaren Ekonomia Sustapeneko Arloak ekimen barriak egiten jarraitzen dau herriko merkataritzaren sareari laguntzeko helburuagaz. Izan be, bondendek, urrian eta azaroan, arrakasta izan eben eta 3.000 txartelak epea baino lehen amaitu ziran eta horrek 120.000 euro jarri ebazan zirkulazioan. Orain Gabonetako kanpaina dator.

Horretarako, eta 15.000 euro inbertiduz, ekimen batzuk ipiniko dira martxan, herrian erostea sustatzeko. Kanpainaren goiburua: “Gabonetako onena Galdakaon. Zure erosketak ere bai” / “Lo mejor de la Navidad, en Galdakao. Tus compras también”.

Aurrera eroango diran ekintzak nagusiki publizidadekoak izango dira, esaterako:

. Ehunezko 5.500 poltsa birrerabilgarri banatuko dira. Poltsa honeek denden esku egongo dira, beti be Behargintzako telefonora deituta (94 401 05 80). Poltsa honekaz persona bakotxak egindako erosketak “paketeatzen” lagunduko dabe.

. 12.000 flyer sartuko dira buzoietan

. Bizkaibuseko 12 markesina

. Publizidadea prentsa idatzian

. Publizidadea irratian

. Presentzia sare sozialetan (Facebook, Twitter, Instagram).

Iñigo Bilbao Ekonomia Sustapen Arloko zinegotziak, kanpainaren aurkezpenean azpimarratu dau “ekintzok Dendari Elkarteak bere aldetik egiten dauzanak osotzen dabela, beti be alkarlanean, helburu bera dogulako”.

Iñigo Bilbaok azpimarratu dauanez, “herri baten dinamikan komertzioak daukan garrantzia ekonomia hutsetik harago doa. Herriko kontsumo-ahalmena bertan gelditzeko faktorea da, kanpoko kontsumoa erakartzen dau eta kanpoko inbertsioentzako faktore erakargarria be bada. Jardueraren izaera beragatik, sinergia sozialak, komertzialak, kulturalak eta ludikoak sortuarazoten ditu”.