Síguenos

BERRIAK|NOTICIAS

Galdakaoko Gazte Asanbladak eta Gazte Mugimenduak herriari

Publicado

el

Galdakaoko Gazte Asanbladak eta Galdakaoko Gazte Mugimenduak Mozoilo Irratiari helarazitako testuak dira hurrengo lerroak.

Gaztetxea lortu zen eguneko argazkia. Irudia: Gazte Asanblada/Gazte Mugimendua

Galdakaoko Gaztetxea – 3 egunen kronika

Duela bi urte hustu zuten Ortuondo Gaztetxea. Geroztik, gazteok ez gara geldirik egon. Eztabaidatzen, saretzen eta antolatzen egon gara, eta paraleloki, okupazioaren aldeko dinamika zabal bat jarri dugu martxan, hitzaldi, mahainguru, bazkari eta mobilizazio desberdinekin.

Aurreko larunbatean, gazte egunarekin batera, bide horrek emandako fruituak ikusi ahal izan genituen. Maiatzaren 4 arratsaldean, galdakaoko ehundaka gazteren aurrean Gaztetxe berria aurkeztu genuen. Hau, Muguru plazan kokatuta zegoen, eta orain dela urte batzuk jubilatuen etxea izandako lokala zen. Hala ere, bazeramatzan urte batzuk erabilpenik gabe.

Okupazioaren berri eman eta jarraian, hurrengo egunerako auzolana deitu genuen, eta arratsaldeko 20:00etan asanblada irekira bertaratzeko deia zabaldu genuen. Ertzaintza, okupazioa publiko egin eta gutxira hurbildu zen Muguruko plazaren inguruetara lokalaren jabearekin batera. Hurrengo egunean jakin genuen jabeak larunbat gauean bertan jarri zuela salaketa.

Igandeko erresaka, ertzaintzaren bisitarekin hasi genuen goizean goizetik. 9:00etan, 6 ertzain eta lokalaren jabea Gaztetxeko atera hurbildu ziren, eta barruan zegoen gazteetako bat identifikatu zuten. Desalojo arriskuaren alarma pizturik genuen jada, eta hamarnaka gazte hurbildu ginen desalojoa ekiditeko intentzioarekin. Kanpoan zegoen gazteetako bat identifikatu ostean, ertzainek alde egin zuten.

Honen ostean, auzolanari ekin genion. Lokala atondu eta herriko kaleak pankarta eta kartelez bete genituen. Arratsaldeko 15:30etan, berriro ere ertzaintzaren bisita izan genuen. Hauek, Gaztetxe barruko gazte guztiak identifikatzeko agindua zeukaten. Barrukoek ezezkoarekin erantzun zuten, eta ertzaintzak Gaztetxean sartu edo irteten zen pertsona guztiak identifikatuko zituztela adierazi zuten.

Arratsaldeko 18:00etan lehenengo asanblada irekia burutu genuen, 50 gazte inguru bertaratu ziren; egoera juridikoaren errepasoa, segurtasun txanden jarraipena eta hurrengo asteko egitaraua erabaki genituen. Ertzaintza ere, eguneko hirugarren aldiz bertaratu zen, gaztetxe kanpoaldean zeuden 2 kide identifikatu eta espazio barrura zein kanpora doan edozein identifikatuko zutela errepikatu zuten.

Astelehen goiza, auzolanarekin hasi genuen. Goizeko 12:00etan aldiz, astelehenero pentsionisten mugimenduak antolatzen duen mobilizaziora hurbildu ginen Gaztetxearen berri ematera. Okupazioaren berri eman eta Gaztetxea pentsionistentzako ere zabalik zegoela adierazi genien, haien bilera, tailer edota hitzaldiak antolatzeko adibidez. Mobilizazioaren ostean, pentsionistentzako “luntx” bat antolatu genuen Gaztetxean, eta hauek okupatu berri genuen lokala ikusteko aukera izan zuten. Arratsaldean auzolanarekin jarraitu genuen, eta 20:00etan asanblada irekian aurrera
begirako mugarriak zehaztu genituen.

Astearte goizean, auzolanari ekin genion berriro. Arratsaldeko 18:00etarako
autodefentsaren inguruko hitzaldi bat geneukan antolaturik, baina bertan behera utzi behar izan genuen, 17:00ak aldera ertzaintza hurbildu zelako Gaztetxera. Oraingoan ertzain asko bertaratu ziren, Brigada Movil-ekoak ere, eta konturatu ginen hauek Gaztetxea desalojatzera zetoztela. Desalojo bitartean tentsio uneak bizi izan ziren, eta hainbat pertsona identifikatuak izan ziren desalojoaren irudiak grabatzeagatik Mozal legea aplikatuko zietela mehatxatuz. 45 minutuz atea ireki nahian ibili eta gero, Ertzaintzak Gaztetxera sartzea lortu zuen. Barruan zeuden bi kideak identifikatu eta
kanporatu ostean, lokala itxi zuten bi langileren laguntzaz.

Eraso honen aurrean, gazteok erantzun protokoloa martxan jarri genuen.
Asteazkenerako, maiatzak 8, kazerolada zaratatsu bat deitu genuen Pontzi Zabala eta Juan Bautista Uriarteko bidegurutzean arratsaldeko 19:00etan, eta ostegunerako aldiz, manifestazioa antolatu genuen Udaletxe plazatik hasita arratsaldeko 19:00etan ere.

Amaitzeko, argi eta garbi adierazi nahi dugu bidea ez dela hemen amaitzen. Gazteok antolatzen eta mobilizatzen jarraituko dugu. Benetan sinesten dugulako, Gaztetxea sistema eraldatzeko tresna eraginkorrak eta beharrezkoak direla. Beraz, hau ez da hemen amaitzen.

GALDAKAOKO GAZTETXEA AURRERA!
EZ GAITUZUE GELDITUKO!

Argazkia: Gazte Asanblada/Gazte Mugimendua

Urteetan hutsik egon den espazioa berreskuratu genuen duela egun batzuk. Lehenengo unetik poliziaren jazarpena jaso ondoren, atzo, arratsaldeko 16:00etan indarrez desalojatzera etorri ziren. Hainbat kide gaztetxearen baitan segurtasun txandak burutzen zebiltzan, ertzainak agertu zirenean; atea zabaldu eta galdera batzuk egiteko intentzioa besterik ez zutela azaldu
zuten. Barrukoek ateak ez zituztela zabalduko esan eta gutxira, polizien patruila eta fulak agertzen hasi ziren. Une berean, kanpoaldean barruko bi kideei elkartasuna helarazten eta desoalojoa salatzeko jendea biltzen hasi zen. Poliziek, gaztetxeko atea behera botatzen saiatzen ziren bitartean, kanpoaldean grabatzen zebiltzan kideak identifikatzeari ekin zioten
eta gaztetxe sarrerara gerturatzen saiatzen zirenei bultzaka aritu ziren, tentsioa igoz. Atea botatzea lortu zutenean barruko kideak identifikatu eta gaztetxearen baitan zegoen materiala ateratzeko agindu zieten. Azkenik, arratsaldeko 20:00etan atea tapiatu zuten arte.

Espazioa berreskuratu dugunetik, iluntasunari bizitasuna eta argitasuna besterik ez diogu eman, uneoro gaztetxearen baitan zein kanpoaldean jarduera eta ekintza ezberdinak egin ditugu; pentsionistekin, auzolanak, hamaiketakoak, egunero asanbladak, auzokideekin harremana saretu… Guk, hiru egunetan, urteetan hilda egon den espazioa egokitu eta mugimendua eman diogu. Horregatik diogu; atzo, argi gelditu zen berriz, sistemaren arauetatik irteten den edozer errotik mozteko beharra dutela. Euren kontrolpean ez dagoen oro ezabatzen dute.

Baina gurea ez da burugogorkeria soila; egiten dugun honetan sinisten dugu. Gizarte honetatik haratago doan mundua eraikiko dugu eta hau lehen pausua besterik ez da izan. Hitzaldiak, eztabaidak, harreman berriak, espazio askeak eta milaka proiektu eraikitzeko asmoa daukagu.

Horregatik eta egun hauetan gertatutakoa salatzeko, bihar, osteguna, arratsaldeko 19:00etan burutuko den manifestaziora dei egiten diezuegu.

Ez gaituzue geldituko!

GALDAKAOKO GAZTETXEA AURRERA

BERRIAK|NOTICIAS

Asier Intxaurbe: «Traila egiteko ekipamendurik garestiena eta zailena gogoa da»

Publicado

el

Por

Ganguren Trail Taldeko Asier Intxaurberen bisita eduki dugu Mozoilo Irratian. Trail talde berriaren inguruan berbetan aritu gara, eta taldeak dituen asmoen berri jazo dugu. Hona hemen elkarrizketa entzungai:

Sigue Leyendo

BERRIAK|NOTICIAS

Galdakaoko Udalak eta Barrualde-Galdakao ESI-AK akordioa sinatu dute

Publicado

el

  • Bi erakundeek gaur sinatu duten elkarlanerako akordioa Galdakaoko Udalak enplegua sustatzeko duen programaren baitan kokatzen da eta Lanbideren laguntza du
  • Akordioari esker, Galdakao-Usansolo Ospitalean trafikoa ordenatu eta informazioa ematen arituko dira 6 hilabetez zortzi pertsona.

Galdakao, urtarrilak 27

Galdakaoko Udalak eta Barrualde-Galdakao Erakunde Sanitario Integratuak (ESI) elkarlanerako akordioa sinatu dute lanpostuak sustatzeko Galdakaoko Udalak duen programaren barruan. Usansolon dagoen ESIak Bizkaiko barrualdeari eta Aiara bailarari ematen dio osasun zerbitzua eta bat egin du Galdakaoko Udalaren programarekin. Udalak 16 langile erraztaile kontratatu ditu programa horren bidez, ikastetxeen inguruetako eta ospitaleko trafikoan laguntzeko asmoz. 16 langile horietatik 8 ospitalean arituko dira lanean.  

Datozen sei hilabeteetan ospitalaren kanpoaldean egongo diren langile horien egitekoa aparkalekuak kudeatzea, horiei buruz informatzea eta herritarrei libre dauden lekuen berri ematea da; baita egon litezkeen gertaeren berri ematea ere. Astelehenetik ostiralera arituko dira lanean ospitaleko aparkalekuetan, 07:30etik  13:30era.

 “Halako ekimenek gure erakundeak gizartearekiko duen ardura egonkortzen laguntzen dute eta bi zeregin betetzen dituzte: batetik, lekuan lekuko enplegua sustatzen dute, eta bestetik, ospitalaren inguruan aparkalekuekin dagoen egoera konplexua hobetzen laguntzen dute”, nabarmendu du Jon Guajardok, Barrualde-Galdakao ESIko zuzendari gerenteak. Iñigo Hernando Galdakaoko alkateak elkarlanaren onurak txalotu, eta akordioa lehenengoz ofizial egin izanaren garrantzia nabarmendu du. Bi aldeak azaldu dira elkarlanean jarraitzeko gogotsu.

NOTA DE PRENSA

EL AYUNTAMIENTO DE GALDAKAO Y LA OSI BARRUALDE-GALDAKAO FIRMAN UN ACUERDO DE COLABORACIÓN PARA LA CONTRATACIÓN DE AGENTES CÍVICOS Y CÍVICAS

  • Este acuerdo de colaboración, firmado hoy por ambas organizaciones, se enmarca en un programa de fomento del empleo del consistorio galdakoztarra.
  • A través de este acuerdo se han asignado, durante 6 meses, a 8 personas que realizarán labores de información y ordenación del tráfico en el Hospital Galdakao-Usansolo.

Galdakao, 27 de enero

El Ayuntamiento de Galdakao y la organización Sanitaria integrada (OSI) Barrualde-Galdakao, que presta atención sanitaria -tanto en atención primaria como hospitalaria-  a la población de la Comarca Interior de Bizkaia y Valle de Ayala, han firmado un acuerdo de colaboración enmarcado en un programa de fomento del empleo del consistorio galdakoztarra.  A través de este programa, se ha contratado a 16 agentes cívicos y cívicas de entornos escolares y vialidad, 8 de estas personas se han asignado al centro hospitalario.

Entre las funciones de estos y estas agentes cívicas, que trabajarán en las inmediaciones del Hospital durante los próximos seis meses, están informar y gestionar del aparcamiento, ayudando y orientando a la ciudadanía sobre los espacios libres de aparcamiento e informando de incidencias en caso de que se produzcan. Quienes acudan a este centro sanitario podrán contar con su ayuda, en horario de lunes a viernes de 07:30 a 13:30h.

 “Iniciativas como esta contribuyen a consolidar la responsabilidad social corporativa de nuestra organización y cumplen con una doble función. Por un lado, fomentar el empleo local y por otro, mejorar la compleja situación de aparcamiento en el entorno del centro hospitalario, teniendo como eje a su población de referencia” destaca Jon Guajardo, Director Gerente de la OSI Barrualde-Galdakao. Por su parte, el alcalde de Galdakao Iñigo Hernando ha hecho mención de los beneficios del trabajo en común y ha remarcado la importancia de haber oficializado el acuerdo por primera vez. Ambas partes han mostrado su intención de seguir colaborando.

Sigue Leyendo

BERRIAK|NOTICIAS

Galdakao euskalduna, feminista, inklusiboa eta anitza izatea nahi du Udalak

Publicado

el

Por

Gero bat denontzat lelopean eman zuten argitara gobernu plan berria

Udal-gobernuak legealdi honetarako gobernu plana aurkeztu zuen atzo, Gandasegi eskolako areto nagusian. Aurkeztutako ehun neurrietako batzuk azaldu zituzten gobernuko zenbait kidek. Horien artean, herria euskalduna, feminista, inklusiboa eta anitza izatea dauka helburutzat Iñigo Hernandoren gobernuak.

Galdakoztarrekin «konpomiso irmo eta argia» hartu zuen Iñigo Hernando alkateak, eta horretarako ehun neurri aurkeztu zituzten, zazpi arlotan banatuta. Neurri horien helburu nagusia galdakoztarron bizi-kalitatea hobetzea dela adierazi zuen Hernandok. Aurrekontu parte-hartzaileetako proposamenak ere kontuan hartuko dituztela azpimarratu zuen Galdakaoko alkateak.

Lau alderdik (EH Bildu, Auzoak, Usansolo Herria eta Elkarrekin Podemos) osatu zuten udal gobernua pasa den ekainean, horren ondorioz, «lau programa, lau proiektu eta lau amets zeuden», adierazi zuen Edurne Espilla Galdakaoko Udaleko zinegotziak. Nabarmendu zuen lau proiektu egon arren, helburu amankomun batek eraman zituela udaletxera: «Galdakao eta Usansolo hobe baten alde lan egiteko gogoak».

Aurrekoaz gain, Espillak azpimarratu zuen proiektua denen artean «adostua eta aberatua» dela, eta herritarrekin sinatzen duten kontratua dela ere esan zuen.

Arestian aipatutako ehun neurrietako batzuk honako hauek dira: auzoak lotuko dituen autobusa, Elexaldeko igerilekuetako taberna zabaldu, Usansolo eta Gorosibai arteko pasabide konpondu, Etxebizitza solialen plana sortu, ekitaldi instituzionalak eta kultur ikuskizunak gorrentzat egokitzea, enpresa txiki eta ertainen sustapena, auzo bakoitzerako ekintza planak, euskal sortzaileen azoka, memoria historikoaren berreskuaratzea, Emakumeen Etxea sortu, Plazakoetxeko lurpeko pasabidea itxi…

Neurri horiek eta beste batzuk ikusgai egongo dira laster galdakaodenontzat.eus web atarian.

Sigue Leyendo

BERRI + NOTICIAS

BERRIAK|NOTICIAS_

Asier Intxaurbe: «Traila egiteko ekipamendurik garestiena eta zailena gogoa da»

Facebook Twitter WhatsApp Email Ganguren Trail Taldeko Asier Intxaurberen bisita eduki dugu Mozoilo Irratian. Trail talde berriaren inguruan berbetan aritu...

BERRIAK|NOTICIAS_

Galdakaoko Udalak eta Barrualde-Galdakao ESI-AK akordioa sinatu dute

Facebook Twitter WhatsApp Email Bi erakundeek gaur sinatu duten elkarlanerako akordioa Galdakaoko Udalak enplegua sustatzeko duen programaren baitan kokatzen da...

BERRIAK|NOTICIAS_

Galdakao euskalduna, feminista, inklusiboa eta anitza izatea nahi du Udalak

Facebook Twitter WhatsApp Email Gero bat denontzat lelopean eman zuten argitara gobernu plan berria Udal-gobernuak legealdi honetarako gobernu plana aurkeztu...

BERRIAK|NOTICIAS_

Toda la ciudadanía de Galdakao invitada al acto de presentación del plan de gobierno, mañana, jueves

Facebook Twitter WhatsApp Email Nota del Ayuntamiento Mañana a las 19:30 el equipo de gobierno presentará las actuaciones que llevará...

BERRIAK|NOTICIAS_

Galdakaoko ikastetxe publikoek urtarrilaren 27an zabalduko dute 2020-2021 ikasturterako aurrematrikulazio aldia

Facebook Twitter WhatsApp Email Udalerriko ikastetxe publikoek urtarrilaren 27an, astelehena, zabalduko dute 2020-2021 ikasturterako aurrematrikulazio aldia. Eskaerak zentroetan bertan egin...

BERRIAK|NOTICIAS_

El Ayuntamiento de Galdakao ofrece un curso gratuito para dejar de fumar

Facebook Twitter WhatsApp Email El Ayuntamiento de Galdakao ofrece a partir de este mes un curso gratuito para dejar de fumar. Esta...

BERRIAK|NOTICIAS_

Andrea de la Hera e Iskander Sagarminaga en Manhattan

Facebook Twitter WhatsApp Email Los nadadores Galdakoztarras Andrea De la Hera e Iskander Sagarminaga afrontaran el próximo 20 de Julio...

BERRIAK|NOTICIAS_

San Silvestre de Galdakao celebra su 50 Aniversario

Facebook Twitter WhatsApp Email Las calles de Galdakao acogerán mañana, como cada 31 de diciembre, la tradicional carrera de San Silvestre. Se...

ASTEKO IRAKURRIENAK

Open

PLAY

Send this to a friend